男人眼中的小器女生！
男人一向都怕煩，大部分男生都話覺得小器嘅女生好容易少少嘢都介意 / 嬲，甚至發脾氣，所以一定唔會揀！如果唔想俾男生覺得你小器，就要注意以下嘅事項喇：
1) 玩遊戲時燶面
有男生話，試過有次一班人玩遊戲，需要犧牲某啲隊友先可以保住自己嗰team嘅人，結果被犧牲嗰位女仔塊面燶晒！此舉令佢覺得嗰位女生只係着重自己嘅得失，係自我中心嘅表現。何況只係遊戲一場，咁都嬲嘅話，即係乜都可以嬲一餐。
2) 食飯地點不合意都嬲
一班人約食飯，咁啱去咗間唔係你心水嘅，而你又全程表現得好唔滿意 / 唔出聲，咁咪就係少少事都介意囉！
3) 唔講得笑
男生開玩笑地話你肥 / 殘，你就即刻變臉，甚至周圍同你啲fd講佢無品又賤格，咁佢哋會覺得你好唔玩得。
4) 忘記一相識第x天
ｘ代表嘅，唔係拍拖周年 / 生日呢啲日子，而係指九十九日、一百日、一千零一日呢啲五花百門嘅「特別日子」。男友因為忘記呢啲日子而被你責怪的話，佢一定會抓狂！
5) 對家人好都有錯
如果男友只係正常地對佢家人好，例如佢阿妹好鍾意食蝴蝶酥，行街時見到出名的蝴蝶酥就即刻買俾佢而無買俾你，又或者只係間唔中一次因為要陪屋企人而陪唔到你，你都應該表現得大方啲，因為對男生嚟講，如果佢錫屋企人你都咁介意，就係小器嘅表現！
6) 蚊蚊計較
有時一大班朋友食飯埋單後大家夾錢，如果女友一亳子都要同每個朋友計清楚，位位$180.2，堅持點都要找返8亳子或收返2亳子，對男生嚟講都係恐怖奇談。
7) 打翻醋酲
只要見到男友個電話有女性朋友WhatsApp / 打嚟，又或者見佢同其他女生講嘢都發嬲嘅話，男生一定會覺得好頭痕，因為對佢嚟講，朋友唔係男生就係女生，係好普通嘅正常社交。
8) 無聽電話
每個人都會有唔得閒聽電話 / 唔方便聽電話 / 聽唔到電話響嘅時候，如果每次男友miss咗你嘅電話你都好似審犯咁審，甚至發脾氣，佢一定會怕咗你。
------
要注意，以上「少少事都嬲」嘅例子係從男生的角度出發，如果你係女生，平時又好介意上述嘅事，就要學下放開啲，因為男生係好欣賞大方嘅女生架！
好在我老婆一樣都無中啫! roger 發表於 2013-3-19 01:58 static/image/common/back.gif
好在我老婆一樣都無中啫!
咁就好好珍惜你老婆啦!!!!
頁:
[1]