夫妻相處
兩公婆, 嗌下交, 在所難免.
因為兩個人, 是來自不同的成長環境, 性格同生活習慣總會有異.
成日聽D男性朋友講: '我老婆都唔講道理嘅, 正一橫班辦!'
其實, 男士們請明白:
1. 女人的思路不是以理性行先, 而是以感性行先. 如果你成日妄想以理服人,你不如去娶個男人!
2. 更何況, 男人有時的所謂道理, 其實係歪理! 君不見有D男人有第三者, 仲要老婆容忍, 老婆一鬧就話佢嘈喧巴閉, 今晚出去瞓!
其實, 撇除感情上的問題, 兩個人住在一起, 始終為芝麻小事吵的居多!
斷估兩公婆, 都唔會為左中台兩地局勢發展有分歧而鬧交掛!?
好似幾日前, 我同老婆係電視見到陳志雲.
呢個時候, 我讚志雲哥對酒渦靚, 好CUTE!
老婆不同意, 認為張智霖果對正D!
我就道理哥同考試哥上身, 強調我嘅STATEMENT主要係認同志雲哥嘅酒渦, 而非旨在比較孰優孰劣!
就係咁, 兩人黑面, 不歡而散!
其實, 難道女人不知當中道理, 但感性的女人是很容易聯想他方, 他人, 他事.
由志雲到智霖, 分分鐘會諗埋袁靚靚都有可能!
作為男人, 要明白女人心, 女人性情.
男人不體諒感性的女人, 反要女人去體諒滿口道理的你, 你本身便犯了錯誤在先!
因此, 要平息一次吵架, 修好一段關係, 最重要便是從心入手, 而非從理開口!
就如求婚, 都是要燭光晚餐, 鮮花, 音樂等等元素---先浪漫一番才有下文的!
難道你和她說教式求婚:
‘香港女多男少, 你年紀大啦, 競爭力日益下降;
生育能力亦隨年長而有所衰退, 容易出現不育及難產問題.
本人收入又比你高, 可協助你解決卡數!
生理上有男人滋潤更能防止你面上出現色斑, 皺紋, 暗瘂……’
從道理上, 你是全對的;
但我相信, 你呢次求婚將會凶多吉少!
今次, 奸夫扮美人魚氹老婆, 又攪掂!
女人其實心中知道理在何方,但你要先打開她的心扉才有下一步!
奸夫便是我的不二法門!
這隻奸夫, 是兩人關係的鑰匙, 也是每次冷戰的靈藥!
男士們, 你的奸夫呢?
(網絡轉載)
頁:
[1]