tom2569h 發表於 2013-3-19 14:26:51

恐怖搬屋事件

       2008年6月, 剛剛結婚, 兩個人一齊生活, 當然係搵屋先租住, 後買屋. 搵左好耐好多個區, 睇極都唔啱, 最後經地產搵到荃灣中心, 其中一個單位, 當時經紀話間屋剛剛搬走,好多野都齊. 咁我地就決定短租半年租住. 開始租之後都有跟番習俗都老人家上黎拜祭地頭,即係拜四角,順手抹屋. 原來間屋封晒塵,似好耐都冇人住咁. 我地兩人一直都係身體健康, 冇乜病痛果種人.

      咁開始住之後, 我同老婆就一直輪住病, 我病時, 我老婆冇事, 我好番又到, 足足半年都係咁, 直到11月搬走時, 當搬前一晚, 執野直到半夜三間, 因屋外有個雜物房,打開大門方便老婆向雜物房入面執, 好記得係零晨三點, 我向屋內執緊野, 其實都執到七七八八, 突然間FEEL到有D野向大閘外,我即時毛管”洞”,

       過左幾分鐘,突然有一把人聲向屋外大聲”呀”, 係好大聲果隻, 咁我聽到就好驚, 即時同老婆講, 快D番入屋瞓一瞓先. 當然我冇即時同佢講聽到有人大叫啦. 之後第二日搬左先問佢有冇執緊野聽到有人大叫, 佢答我冇, 咁我就知有野搞間屋. 搬左之後兩個人都健健康康, 好少再病直到依家。
頁: [1]
查看完整版本: 恐怖搬屋事件