點解次次都要我做攪手

吸料媽媽

我真係唔明, 我奶奶一個女一個仔, 點解次次做節食飯都係我負責, 由打電話問佢地日子, 到搵地方食飯, 再通知人都係我.  如果我唔出聲的話, 佢個女就一定唔理, 側側膊就算.  佢個仔即係我老公呢, 都要我開聲問做唔做節呢, 佢先會叫我同奶奶安排.  

我做就好似自討苦吃咁, 唔做又好似對奶奶唔住, 真係好唔順氣囉.  最嬲係我姑奶麻麻煩煩, 呢樣又唔鐘意果樣又唔想, 重要次次食飯都唔比錢.  即係出錢又係我地, 出力又係我地囉.  我老公成日都想飛起我姑奶一家算, 不過我知我奶奶唔想, 咁我都明. 但佢兩個有咩意見都唔直接講, 係要搵我傳話果度討厭囉!

唉, 今次母親節又係咁, 而家都未傾掂數呀!

吸料媽媽

補充:

姑奶一家重要次次都遲到, 係要全世界到齊, 佢一坐底就有得食, 一食完又趕住走咁!  好討厭好討厭呀!

吸料媽媽

嗰個係佢兩個嘅阿媽，佢哋唔理咪咪鬼理囉

吸料媽媽

自己同99食算啦,無謂貼錢買難受,而且亞媽係大家,無理由得你地出錢

吸料媽媽

下次你自己决定时间地点。

吾得闲？吾好改原定计划就其他人。老公99要改？叫他一家自己约。

吸料媽媽

早幾年我都係咁，諗埋去邊度食叫埋餸都有人多多聲氣，個口就話冇所謂，食完又彈3彈4，仲要係我老公俾哂$，自此之後我唔再出聲話約食飯，就算老公約咗，去邊度食同食乜我都唔會俾意見，費事條氣chok住啦，不過淨同99又冇所謂，99冇乜點架，最多唔啱食咪食少d囉

吸料媽媽

比著係我。彩佢都傻。唔食仲好。唔洗見

吸料媽媽

我一定唔做攪手，最多提醒老公要唔要做節，佢唔理嘅話，我唔會出聲

吸料媽媽

甘你米唔好插手囉~
佢d仔女都唔理架啦~
係你自己又要理又要呻~
做得唔開心,唔怪得他人囉

吸料媽媽

做節呢, 我99就1定會做, 不過要早問定佢邊日, 因為佢只會佢個仔 (我c6)同姑奶講, 我c6係1個冇記性既人..成日都唔記得同我講, 要我問返99先知.
至於平時, 佢2個仔女都唔會話突然間出去同佢地飲茶食飯, 有時我都想氹下佢地開心, 同佢地出去既, 不過我99永遠都話茶錢貴, 唔出去@@
bday 果時, 我初初都會問下佢地去邊食...不過次次都話冇所謂.
到而家bday 出去食飯果d, 我係唔比佢地選擇, 只問佢地呢日得唔得, 得就去食, 連去邊都冇得佢地揀~
咁樣自己都唔會煩~