認識岩盤浴

抵買媽媽

相信不少人都對始於日本北海道的「岩盤浴」很陌生，因香港沒有相關專門店，其實「岩盤浴」並非要浸浴，而是要瞓，岩盤浴室內有多張黑神石岩盤床，黑神石含豐富礦物質，在溫室中能釋出98%的遠紅外線及負離子，滲入身體後，達致大量出汗。聽上去與桑拿相似，但婉婉強調，一來岩盤浴室的溫度維持在攝氏40度左右，比桑拿室低，唔會太辛苦。二來遠紅外線可深入身體底層，由體內帶走垃圾，比桑拿借外力迫人出汗徹底得多。


出汗能達致減肥、排毒及美肌等美容功效就眾所周知，但原來岩盤浴更可消除疲勞，婉婉稱，「我第一次做完好似俾人打咗一身咁，鬆晒，我有朋友做完無咗經痛，而且經期準咗，亦有朋友本來失眠，但做完令佢戒咗安眠藥。」提到浴場的嚴格規矩，婉婉表示她希望浴場可以令人真正靜下來，才可達致身心沉澱，「有人問我有無按摩，有無石敷呀？我話乜都無！」其實，有時原來乜都唔做，就係做咗嘢囉。

Steps
1.簡單淋浴沖乾淨身體。
2.在鋪上毛巾的岩盤床上俯卧及仰臥20分鐘。
3.休憩5至10分鐘，補充水分。
4.再俯卧及仰臥20分鐘，之後休憩5至10分鐘。
5.完成後用毛巾拭乾身體即可。

清心岩盤浴專門店
查詢：2331 3177/2323 3076
收費：$260/次，套票優惠：十送一

羅渣爸爸

BB

我都好想試下, 岩岩上左Facebook睇過, 好似真係幾好咁, 不過價錢好似有D貴.

papamama428