今躺孜孜是第四次去澳門了。
第一次在去年夏天, 住悅榕莊, 第一次玩沙, 因太熱, 節目主要係酒店; 第二次住四季,去了住宅博物館、大三巴、Q立方、坐貢多拉; 第三次都是住四季, 個次拉大隊跟婆婆、表妹、表弟一起去玩, 只記得去了Q立方;
第四次即今次主要是daddy帶我去看國際煙花比賽匯演 , 所以入住了daddy至愛的文華東方, 可以係房內看煙花, 而我地又去了睇熊貓、路環、觀光塔及蝴蝶館, 很悠閒,但又很充實。
DAY 1 (22/9)
坐10點半船, daddy mami每次帶我去都是坐尊豪位的, 可預先上網訂餐食, daddy話每次都有7-8款選擇, 今次叫了鮑魚雞粒炒飯、牛脷意粉及兒童餐。餐送上後, 鮑魚雞粒炒飯真的有成隻鮑魚! 而我的兒童餐是雞翼意粉, 意粉我最鍾意。
到達澳門後看見爺爺來接我船, 然後到英皇酒店跟婆婆飲茶(差不多是每次來澳門的指定動作)。跟住回文華東方check in, 由於酒店忘記預留煙花景客房, 於是upgrade了我們到套房。
Check in後, 我們乘的士到熊貓館, 約$80。很開心能見見”開開”和”心心’一面, 熊貓館10蚊入場, 館內只有10個8個人, 少人好舒服, 逗留幾耐都可以, 好過海洋公園及台北動物園多多聲。
園內有一小型圖書館, 十分啱我孜孜等小朋友, 有冷氣, 有書睇, 有畫紙木顏色筆俾我畫畫, 好悠閒。
我和daddy mami差不多逗留個半鐘才離開, 在熊貓館外坐巴士去路環, 等了5分鐘, 就有巴士, 其實去路環市區只坐2個站, 不消5分鐘就到了。
去路環, 順路拜訪安徳魯蛋撻。路環有3間安徳魯: 安德魯餅店、安德魯花園咖啡和安德魯咖啡店。 安德魯餅店只有外賣, 外面全是人龍。Daddy話近海邊的安德魯咖啡店最有feel, 於是選了此店食下午茶了。此店較細, 不過等了幾分鐘就有位了。 Order了葡撻, daddy叫了lemonade及egg benedict, 葡撻好一般, egg benedict唔錯, 反而杯lemonade幾得, 好酸好解渴。
Tea完周圍逛逛, 沿海邊行很快看到聖方濟各教堂,daddy反而對附近的大排擋有興趣, 見到人人食蜆飲Sangria, 好不寫意, daddy話下次要黎試下喎。
悠閒了一個下午後, 乘的士回文華東方休息。稍作休息後與婆婆在李康記食晚飯, 然後回酒店看煙花。
酒店真的擁有無敵煙花景,因放煙花的地點就在文華東方對出, 煙花看了2個國家比賽, 分別是葡萄牙及法國, 葡萄牙平平無奇, 法國隊好精彩(後來知悉法國拿了第二名, 第一名當然又是中國啦)。
Day 2 (23/9) 文華的早餐貴精不貴多, 看看我孜孜吃的窩夫有多漂亮美味就知道了。
吃完早餐,向觀光塔出發! 酒店用7人車免費送我們到觀光塔。Daddy mami話去過澳門n次都未到過這裡, 門票是酒店房間套票包含的。 上到觀光塔, 一望無際, 望到daddy mami以前經常去的珠海灣仔, 又看到我們入住的文華東方, 更看到遠在氹仔的銀河、威尼斯、及新開的金沙城。
觀光塔有一部份是可望穿到底的, daddy mami話好驚唔敢行, 我孜孜就未驚過,周圍行冇問題, 仲坐低欣賞下面街道上的風景呢, 不過我覺得我孜孜未識驚啫。Daddy話無期望之下, 觀光塔都算不錯的一個景點啊。
在觀光塔消磨了一小時後,然後乘的士回酒店, 酒店可通去MGM,於是去了蝴碟館, 蝴碟館免費入場的, 館內真的很多蝴碟飛來飛去, 仲會降落係人的衣服、手掌上, 很有趣。
到最後, daddy選了在MGM cafe食個light lunch, 有pasta有pizza還有佢地signature dessert啦, 又冇乜人, 又坐得舒服, 挺不錯的。
最後返回文華東方check out, 酒店已安排了7人車(免費的)送我們到碼頭, 坐3pm的船返香港, 很優閒的假期就此結束了。
buddy 其他分享: 北海道5天精華遊
|
發表於 2012-10-27 23:52:23
|
查看: 13426
|
回復: 5
|
媽幣
發表於 2012-10-28 01:44:16
發表於 2012-11-15 00:40:26
