0 收聽	2 聽眾	276 主題

居住地: 黃大仙區
帖子: 1994
積分: 5291
媽幣: 55

感恩有個好6299~

樓主

發表於 2012-8-24 16:52:57 | 查看: 3543 | 回復: 9 |

6299對我真係好好，我同c6仲拍拖嘅時候，每次上去食飯，99知道我一個人住平時多出街食，所以每次都煲定靚湯仲會記得我鐘意食咩特登煮比我食。我同99會一齊行街買衫，每年總會有一次家庭旅行。我同c6養左隻puddle,99亦因我收養隻狗仔。

我地會一齊帶狗去游水、燒嘢食行山等，估唔到佢原來咁愛狗，所以話題又多左！62夜晚揸車返屋企食飯，好多時夜晚食完飯會車我地返屋企，因為我地有狗仔，所以佢會專呈由北區車我地返九龍再去沙田返工。

到10年年尾結左婚，11年尾bb出世，我媽媽幫我坐月，6299住北區而我住九龍，期間佢地keep住黎探我，99知我地屋企離街市遠，驚我媽咪辛苦，每次會幫我地買埋菜，煲湯比我飲，呢份體貼真係好感動而62仲送左份大禮比阿仔就係6位數字利士，真係完全估唔到。

可能有jm會覺得我地分開住，相處好同住難，無錯我地分開住的確減少好多問題，但正因為唔係一齊住我地都會keep住見面，放假好多時我會帶bb去探佢地，見到佢地咁開心，我覺得真係好幸福