徐子淇教育子女先可學識跌

talkermama(編輯員)

「千億新抱」徐子淇以一身馬利奧造型現身慈善隊制接力賽，最後獲得第9名，倒數第二衝線。她坦言並非運動型，平常甚少跑步，感到好辛苦：「我拖累咗整隊，去到一半時隊友跑得好好，但我已經唔係好掂。（之前有冇練習？）冇呀！大家都係嚟玩下，冇所謂啦！我哋都知道唔夠明星體育隊鬥，本來預計攞第三，不過佢哋選錯隊友，選咗我，但係發揮咗團隊精神，大家玩得好開心。攞第9名，好彩唔使墊底，唔使太丟架。」

李兆基唔知孫仔識騎馬
她笑言自己適合長途運動，平時走兩至三個小時冇問題。問是否不夠家中的孩子跑？她笑說：「唔夠啦！好彩佢哋雙腳唔長，走三步先夠我一步，我仲追到。

（否考慮參與親子賽？）仔仔依家走一半爬一半走，我又要抱住佢，困難啲，等佢大啲先啦！」她還透露三名子女都是運動型，三個都懂得騎馬，兩名女兒還會滑雪和游水：「希望佢哋身體健康，訓練一下佢哋意志。（仔仔都會騎馬？）佢好搞笑，坐在馬背上，有繫安全帶同戴安全帽。好多人都話好危險，不過我覺得男仔要跌下先會Tough（堅強）同強壯。（老爺李兆基知唔知？）我冇畀佢睇過，佢知兩個孫女會騎馬，孫仔就唔知道。以前照顧小朋友太保護，我覺得要畀小朋友試多啲，男仔斷骨頭冇所謂。

可能我在外國長大，見到男仔玩橄欖球玩到斷骨都冇事，要到完成比賽後先去睇醫生。（唔怕危險？）好多朋友都話我好大膽，但我都會顧小朋友o既安全。（老公李家誠同你想法一樣？）佢冇所謂，不過我同佢都冇斷過骨。」 她認為遇到少許痛楚或挫折就放棄，人生其他事情都很難面對，要多鼓勵小朋友去做、去嘗試。

                                                

rivaldo0303

說得有道理

sophie