Day 5 (8月15日) 一早起床, 婆婆最想快些去丸井今井買Lesportsac袋, 婆婆第一天係大丸已經睇中, 諗住昨天去買的時候, 已經被人買咗。於是吃完早餐後, 搭地鐵準時10am到達丸井今井, 終於買到心頭好了。這個袋是日本限量版, daddy mami又買了一個同款送俾嫲嫲。
然後Daddy帶我去11/F,有間幾大的Saniro,又有地方俾我玩, 我孜孜最鍾意玩扭蛋機及同daddy一齊映貼紙相。
返到酒店check-out喇, 一大箱一大箱, daddy預知這個情況, 在香港已訂了一部私家van去機場, 其實daddy只訂了hiace, 點解日本的hiace咁大架又咁舒服旣?
去到國際機場, 人影都冇隻, check-in 4個大人共100kg的行李不算過份吧! check-in後於是行番去內陸線的商店, 人山人海, 原來有很多商店啊, 還有很大的Royce Chocolate World、哆啦A夢空中樂園及Steiff自然世界。於是daddy就帶我去玩哆啦A夢空中樂園, 一部份是免費的, 有一部份收600yen, 我孜孜都玩了1小時。想同daddy去睇Steiff自然世界已沒時間了, 唯有下次再去過。
玩到很疲倦了, 哈哈, 太想訓覺又睡不著, 所以我孜孜唔覺意係飛機上扭計了2粒鐘, 空姐都走過來看看我呢! 今次食兒童餐, 可能航空公司唔怕小朋友投訴, 所以整得十分難吃, 尤其個芒果布甸, 難食度俾100分!
今次北海道之旅玩得很開心, 下次如daddy再帶我孜孜去旅行, 我孜孜再跟大家再滙報啦。 |