余文樂帶細路揸車被插 舊愛盧巧音fb寸爆贈慶

greenapple

余文樂一張同細路揸車相，差啲就犯法，雖然佢話當時架車冇郁，只係誤會，又道歉又將張相刪咗，但都係俾網民圍插，更係推咗上報添。

阿樂今次行為唔抵幫之外，更加係有位俾人入啦！入佢嘅就係當年喺頒獎禮台上話「喜歡我到不喜歡我的人」嘅盧巧音(Candy)喇。

大家都知，Candy以前曾經公開承認余文樂係男友，可惜男嘅唔生性。女嘅已經婚都結埋，男嘅就繼續玩玩玩玩玩，又玩一個大頭佛出嚟，Candy仲唔乘機潤一潤呢個疑似「負心人」咩！

不過一開始都唔係Candy發功先0架，而係佢老公、Kolor主音蘇浩才(Sammy)，一早就喺自己facebook度share咗阿樂單報道，話：「咦，上次有兩公婆都係咁衰0架噃...道歉好似冇用0架噃...要罰0架噃...」嘩，真係寸到阿樂一棟都冇，老婆Candy唔止like咗呢個post，之後又喺自己個wall度打status：「駕車之人，瞻前顧後，尊(遵)守規則，才是大師父！早呀！」

rivaldo0303

好憎呢個人