北海道5天精華遊

mama888

Hi 我叫孜孜, 好開心daddy及mami係呢個暑假帶我去北海道玩了5天, Mami好想賺多啲媽幣去抽coupon, 所以叫我係talkermama呢度分享一下北海道的行程, 等多啲daddy及mami帶佢地既小朋友到北海道玩。

北海道真的好好玩!

mama888

事前準備

Daddy先在網上b-mobile買了2張可上網的micro-sim card, 約3000-4000 yen一張, 14天內任用, b-mobile會免費寄去第一晚入住的酒店。B-mobile出了新plan, 換了sim card, 按指示入APN就可用了。

舊款就需要找當地電話去activate張sim card,  現在就方面好多。 這樣, mami就可用whatapps聯絡daddy及我孜孜了, 坐車無聊時又可whatapps阿姨及upload相喇。

mama888

Day 1 (8月11日):

我孜孜今次是第二次坐飛機了, 除了daddy mami, 仲同埋婆婆及auntie一齊去。依慣例daddy及mami上機前必到lounge食碗魚蛋粉先,  呢碗魚蛋粉確實幾好味既。

今次坐CX, 直航到札幌, 上到飛機班crew話收唔到我食兒童餐的資料, 所以只好食大人餐, 不過大人餐好食過兒童餐好多(回程食番兒童餐的確好難食), 大人餐有我孜孜的最愛 - 茄汁長通粉, 食完餐不消一會, 飛了四個半鐘已到札幌了, daddy及mami仲讚我乖, 全程冇扭計。

孜孜好想坐火車, 所以daddy帶我地坐JR出市區, 車票1000yen,好彩daddy醒目, 加多300yen坐U-seat(即已劃位的頭等車廂), 因為實在太多人, 普通車廂已擠滿人, 我地係U-seat 車廂就坐得好舒服。 所以各位daddy mami同小朋友一起最好買U-seat飛啦, 尚且6歲以下免費的(日本大多交通工具都是)。

到札幌站需時40分鐘, 我地住JR Tower Hotel (即是日航), 落火車行去酒店只需行幾分鐘, 係南口出,好易搵。

住JR Tower Hotel真的很方便, 附近行街多的是, 有大丸、東急、Stellar Place及、Esta。Steller Place有baby gap、commi ca kids及disney store。

Esta有兒童遊戲機中心, 又有拉麵共和國。我地返到酒店差不多下午6時了,mami先同我沖白白。之後, 婆婆等人去大丸shopping, daddy就帶我去Esta 9樓玩遊戲機了。有好多遊戲啱我玩, 揸巴士最好玩(daddy都話好玩), 又有揸飛機、揸車、扭蛋等等, 足以消磨1個鐘。

到8時半, 我地近近地去咗拉麵共和國食拉麵, daddy話”梅光軒”及”さっぽろ大心”二揀一, 之後daddy話”梅光軒”會係hysan place開, 所以就決定去”さっぽろ大心”了。”さっぽろ大心”係人氣No. 1。呢個選擇果然冇錯, 麵條夠彈、蛋夠流心, 正!

跟住返到酒店房就食第二餐了, 婆婆及mami原來一早係大丸及esta超市買了壽司、刺身、西瓜、水蜜桃等等, 我孜孜只有西瓜及水蜜桃食, 簡直超甜! 婆婆仲係呢幾日行程中經常講:”日本嘢真係好好味呀, 係香港真係食唔到呀!”。我孜孜都識背喇, 哈哈…..

羅渣爸爸

好精彩呢~

mama888

多謝! Day 2 行程就有喇

mama888

Day 2 (8月12日):

起身食早餐, 好彩8時來到餐廳, 8時後食早餐要排大隊呀。我地一行5人, 酒店就俾了間有180度景觀的VIP房我地坐, 早餐種類頗多及豐富。

食飽後婆婆就同我去沖白白, 同時daddy走去Toyota取車。

Daddy話住JR Tower Hotel另一好處就是去Toyota取車只是5分鐘路程, 好方面。今次daddy租Estima, 我地check-out後去”北竜町”進發, 目的是欣賞向日葵。

由札幌去北竜町約2小時車程, 條highway好好行, 我孜孜睡著了。約11時半到了北竜町了, 北竜町是全北海道種植最多向日葵的地方, 約百多萬朵。特色是朵朵都是daddy咁高, 花就有daddy塊面咁大。

天氣好舒服, 我地先行去睇花, 然後去園內的牧場買飼料(100yen一份)餵鴨及餵駝鳥。

最後我孜孜想坐巴士, daddy就買了飛坐觀光車遊一周約15分鐘(500yen)。

呢段時間北竜町有好多慶典, 呢日就係有太鼓表演。其實北竜町真的很值得去, 但開花時間只約在8月頭至8月中。

我地係北竜町玩了個半鐘, 各人仲未肚餓, 於是daddy直接揸去富良野, GPS顯示要2小時45分, 最後用了2小時就到了富良野。我地先去Furano Delice食雞蛋布甸及鬆軟蛋糕, 好滑、好好味呀!

然後去中富良野富田農場了, 因早已知道薰衣草季節已過, 所以沒太大期望。 開車後, 我孜孜已睡著了。當我睡覺之際, 原來daddy mami 已到達富田農場的蜜瓜專門店吃哈蜜瓜, 因為好好食, 所以婆婆買了一箱回香港, 本打算再買一箱白粟米, 但是已賣光了。


食完哈蜜瓜, 再行去富田農場, 果然已沒有甚麼好看, 此時我也睡醒了, 求其和daddy mami拍張照到此一遊罷了。

然後daddy再開車去Popura Farm, 再食蜜瓜。買了綠色蜜瓜及橙色哈蜜瓜, 再係上面加埋哈蜜瓜軟雪糕, 正! Mami話個瓜俾富田農場個度更甜。

再過多2分鐘車程, 已到Bestom超市掃貨。係Bestom, mami及婆婆買野買到唔捨得走咁, 足足逛了2小時。
不過, mami及婆婆行咁耐都係想買BB衫俾我、弟弟及表弟表妺啊。 好彩, 日本的百貨公司好照顧小朋友的, 在Bestom也有兒童遊戲機給我消磨時間。

掃完乾貨濕貨後已是晚上7點了, 然後daddy開車回富良野”唯我獨尊”食咖喱飯。
各人都對咖喱飯讚不絕口, 但是我不太喜愛這麼簡陋黑媽媽的地方,要扭計返酒店, 於是mami打包飯盒回酒店食, 果然好好味, 我孜孜都食哂啲飯。

我們住的是Natulux Hotel, 正是富良野火車站對面, 是一間boutique hotel。本來daddy訂了2間相連的獨立屋, 是酒店新建的別館。但是職員告訴我們有位住客BB發高燒, 讓了我們其中一間房給他們的家人照顧BB。

於是職員就upgrade婆婆住進全酒店本館最大的房間777號房, 而酒店亦只收取一人的費用 。

始終我們的獨立屋更大, 於是婆婆到我們的房間食Bestom超市買回來的水果。
好味到不得了就是黃肉西瓜了!

羅渣爸爸

住進全酒店本館最大的房間777號房, 而酒店亦只收取一人的費用 。

我都好想試下呀~

天空

真係好靚呀D地方!你搞到我都好想去XD

mama888

Day 3 (8月13日)

一早起床下雨了, 幸好沒甚麼戶外節目。早餐也吃得很滿意, 牛奶好好味呀, 平時不喜歡飲奶的我, 也不放過這裡的牛奶。




吃完早餐, daddy就開車到芝士工房,  芝士工房內有隻假乳牛, 入100yen就可搾一些奶的物體出來, 幾有趣的。

然後再開車到Furano Marche, 買富良野特產的地方, Furano March是一所像小型factory outlet的地方, 但其實是一個乾濕貨市場。於是婆婆mami又出動掃貨了, 她們買得很開心, 因為買到白粟米了。我孜孜及daddy就找間雪糕店吃牛奶雪糕, 出奇地好好食喎。

然後10時半daddy開長途車去小樽了。GPS顯示需時3小時30分才到達目的地, daddy怕我坐長途車扭計, 於是都開得頗快, 最後用了2個半鐘就到達小樽。這程車我相信是各人坐得最舒服的一程車, 因為我由上車訓到落車!

我地先到三角市場食lunch, 係街市買好想食的海鮮後, 佢地就帶我們到對面的食堂, 我們買了花咲蟹、2隻響螺、8隻帶子、一夜干、北寄貝等等, 至於魚生飯可在食堂叫, 這頓午餐非常豐富, 每人約$400, 見daddy mami食得咁happy, 而我孜孜只有一夜干吃。

食完lunch開車去小樽玻璃街的相熟海鮮店買一夜干、白粟米及一箱夕張蜜瓜回香港。然後去小樽築港的AEON行街, daddy和我就去子供服個層睇玩具、撈hello kitty公仔、玩遊戲機等。

個度有間Saniro,俾500yen可抽奬一次,  於是mami俾錢我抽, 其實mami最想要某份阿Sam的禮物, 而daddy就嗌大奬大奬, 最後我孜孜真的抽中了1號大奬 , 禮物是一座hello kitty風扇, 真攪笑, 風扇係2腳插、又110V, daddy仲話今次捉蟲了。

最後, daddy開車去酒店, 這晚我們住宏樂園溫泉酒店, 酒店好古式古香, 每間房都有名稱, 而每間房的私人露天風呂並不一樣, 我們住的是Yanagi 及Popura。

Daddy訂房時upgrade了晚餐會席料理的menu, 結果晚餐極度豐富, 甜品又有食過最好食的strawberry sorbet, 很開心的一個晚上。

還有, 晚餐吃完未多久, 酒店就送上宵夜 – 燒蟹腳, 很好吃。

因為是和式房間, 我孜孜就最鐘意係間房內走來走去, 而且終於唔駛訓BB床了, 可以睡在塌塌米daddy及mami的中間。

talkermama(編輯員)

D相影得好美