咁有無jm同6299住, 但佢地唔肯湊孫, 要再請工人湊呢

吸料媽媽

sor, 可能我講得太籠統~
當然有好多老人家都係有文化有知識，就正如菲律賓人同印尼人唔一定要做工人一樣，之不過有好多有文化有知識得黎又好"聞塞"既人............
有文化有知識又開通既老人家真係可遇不可

吸料媽媽

我明白你既講法，我都認為未決定生BB前已經要安排好點湊，講真即使屋企有老人家佢話肯幫我湊，除非大家真係關係超級好/寫白紙黑字，唔係我都唔會信十足，佢一下唔高興突然唔湊你已經俾佢牽制住

吸料媽媽

一黎，如果佢地反口，咁大條道理嬲佢地，以後唔駛同佢地來往啦~
二黎，其實明知有哩個可能性，咁點解唔一早做兩手準備呢？
任何人答應你既野，就算白紙黑字簽埋contract，都可能有意外發生，佢答應你唔代表你可以100%放心，如果佢有日唔小心整親咁點？跛住腳都要幫你照顧bb？
所以諗住生bb之前，真係好多野都要諗清楚架~ 而家唔同以前，以前可以天生天養，而家社會咁複雜，你帶佢出街都大把野要驚

吸料媽媽

講得好，在職媽真係好叻，世事無完美，邊個唔想在家湊B睇住佢大，不過香港既女人咁叻冇，一定捱得過

吸料媽媽

我有個親戚,生完之後,坐緊月既時候,都未安排好由邊個湊.

99已經六十幾,又周身病痛,湊唔到.
想請工人,又完全未開始搵.
外家人人要返工,幫唔到手.
諗住搵其他親戚,但臨時臨急先發現,原來無人肯.
搵自己弟婦(FTM,湊緊初生BB,未足歲)傾,叫佢湊多個,仲要係湊過夜,周末先自己湊2日(但從來無提會比錢囉).咁細佬後來知道,當然唔肯啦.
咁佢又走去同個家姐講,話放個BB係家姐屋企,都係過夜果隻,因為家姐屋企有工人.咁家姐自己都有讀緊幼稚園既小朋友,當然無so佢啦.

佢真係好野! 自己生左,完全無諗過安排BB,依家就話屋企人唔幫佢,無手足情!
佢放個BB係人地度過夜,係因為自己要返工,驚第二日無精神.
大佬呀,你返文職工乍.而且,你要精神,人地唔洗精神架?

吸料媽媽

我明呀, 真係PLAN好哂都會有意外架, 我生阿女前買左樓, 請左工人, 問左阿媽肯過來睇住, 一切安排好哂, 但到阿女出世我發現自己原來係唔可以用工人既人, 我唔比工人掂BB, 又原來阿媽每一日過來係唔可行既, 因為阿媽自己都有一頭家, 日日過左來我到屋企亂哂籠.
當時搞到我坐月晚晚都瞓唔著呀, 後來我媽叫我炒左個工人, 拎個B去佢屋企湊, 每晚放工湊返自己屋企, 好辛苦不過湊下湊下依家阿女歲半LU

吸料媽媽

唔好旨意哂老人家一定要幫你湊仔，佢地捱左幾十年，好辛苦先捱到Ｄ仔女出身，到晚年想過番Ｄ自己想過既生活，想舒適Ｄ，都無可厚非，唔應該受到你地責怪！

吸料媽媽

勁囉，冇人有義務幫你湊嫁

吸料媽媽

我都唔係好明，有部份99想個心抱生仔又肯湊，但心抱死唔肯生，我地呢D肯生，但佢地又死都唔肯湊，我記得我話比99知我有左，黑左一個星期面，依家想生第二個，但99話一定唔會湊，所以唔洗諗！

吸料媽媽

冇計因為人同人冇得比，難道投訴99點解唔似其他99咁恨孫又肯湊？好比喻個囝考唔到第一就怪個囝點解人哋考到佢考唔到咁，唯有接受現實