咁有無jm同6299住, 但佢地唔肯湊孫, 要再請工人湊呢

吸料媽媽

如題，最慘屋企唔係大, 工人都要訓廳

吸料媽媽

冇房好似請唔到架喎~

吸料媽媽

初頭結婚時同住(C6細仔，其他結婚搬晒，想有個係身邊)，

BB出世後話等返幼稚園先幫我，我請工人係屋企唔俾，

最後唯有自己湊，但係屋企3個大人對住一個B超難頂，一年後請工人擺阿媽度，

自己再出返來做野儲錢，到左要返幼稚園，話可以日頭湊(不過指定要報全日)，

夜晚要我自己湊返(果陣看鋪，收工時間唔定時，有客人唔通赶客走?)

我再提議請工人，依然話屋企唔可以多個外人，即刻買樓搬。

吸料媽媽

我當年生囡原本係要同6299住, 未生前, 99 話我搵到野做會辭工同我湊
(當年我返temp job, 生b就完contract), 之後因為我搵到工, 但99反口唔湊, 而62要返工, 我地就不愉快地搬左返娘家, 不過因為娘家冇位兼唔鐘意屋企多個外人, 所以就帶左囡囡去託兒所湊。
好記得我 c6 冇啦啦有一晚, 見到囡囡同婆婆玩得好開心, 佢就好感慨咁講, 好彩當年肯比我地返娘家住, 囡囡先會好似而家咁, 又乖又健康~~!!
個一刻, 我差的 太感動了~~!

吸料媽媽

冇房唔係唔請得工人, 只要你同agent講明就得

幸好我6299都冇反對多左個人, 咁好可能係因為佢地都知道我地冇可能交俾託兒所, 佢地又唔幫手湊, 請工人係唯一既辦法, 咁所以佢地都冇咩出聲

屋企係迫d, 但冇法, 大家唯有就時間, 99都要返工, 有時放夜, 11:00先返屋企, 我都同佢講要俾工人訓覺, 叫佢一返屋企就即入房, 唔好嘈到工人

我feel到佢有d唔滿意呢個安排, 但冇計, 間屋咁細, 個個都要千就架啦

吸料媽媽

所以冇本事唔好生，就係咁解
唔肯定第時個b會有邊個照顧之前，真係要諗清楚d先...
生左個b出黎，邊個照顧佢係一個問題，點樣照顧又係另一個問題.
雖然話而家哩個年代，唔會餓得死人既，但係湊大一個bb唔止比佢食飽，仲要教佢做人既道理，父母唔喺身邊、每日對住既唔係賓賓印印就係冇文化冇知識既老人家，個bb會有好既將來咩？bb想要有好既照顧都冇，做父母既忍心bb要咁樣受苦咩

吸料媽媽

唔忍心但冇計, 你睇下<在職媽媽>forum就知道

係香港, 如果真係叫"有本事"先生BB既話, 我諗香港既出生率一定仲低過日本, 到時你要調番轉叫d雙非落黎生!

吸料媽媽

在職媽媽唔係冇本事，係好本事﹗日頭返工夜晚湊b再做家務﹗我哋係有2手準備，plan a唔得就plan b啫。只可以話，如果你一定要睇啲長老頭（尤其係99）去做人，就不如唔好生。

吸料媽媽

我自己都係在職媽媽, 又點會唔明白我地既苦處?

其實都冇諗過一定叫99湊, 就算佢肯, 我地都未必放心, 所以我地好快已經做左決定請工人

只不過覺得大家同住一間屋, 唔可以因為你唔肯湊, 我地請左工人之後又諸多投訴, 大家都要學識退讓一步

吸料媽媽

有本事"哩3個字包含太多，你諗既同我所指既應該唔一樣.
我指既有本事最基本係已經安排好有人湊bb，而唔係有左bb先至去諗邊個湊，哩一個"本事"係指"有腦".
第二個"有本事"係有錢傍身&唔駛煩住屋，有個安穩既家，無論bb係99湊定工人湊，起碼唔會突然大變，打亂自己既計劃.
第三就當然係可以自己做ftm，自己湊自己教，哩個"本事"就真係好少香港女士可以做到