情景 | 家長給子女的鼓勵說話 |
1)幼兒第一天上學去,哭鬧不停… | 「唔好喊啦!返學即係同小朋友一齊玩,一齊食茶點,一齊唱歌仔,你睇幾多同你一樣大嘅小朋友,你大個女架啦!返學會識到好多朋友仔架!幾個鐘頭之後,媽咪會嚟接返你架!」
|
2)幼兒顯得不願意返學 | BB返學開唔開心啊,唔使怕生保過喎,係咪驚俾人蝦呢?唔使怕架,有咩事記住話俾老師或者返到屋企話返俾嗲哋媽咪知,我哋先可以幫到你架! |
3)子女升上小學後顯得鬱鬱寡歡 | 「做咩冇晒心機啊?返學唔開心啊?可唔可以話俾媽咪知啊?」 |
4)當子女改善了遲到的習慣 | 「小朋友今日好叻喎,可以咁早起身返學,又可以準時返到學校!以後都要早睡早起唔遲到咁乖喎!」 |
5)子女向家長表示被其他同學排斥 | 「冇小朋友同你玩唔好唔好開心啦,可能啱啱開學未熟絡啫,遲d參加課外活動你就會識到好多朋友仔架啦! 」 |
6)子女升班後,做功課時顯得吃力 | 「新學年啲功課可能深咗,如果覺得好深唔明跟唔上,唔緊要架,唔好俾咁大壓力自己啊,嗲哋媽咪陪你一齊溫書呀!」 |
7)切忌強逼子女參加他們沒有興趣的課外活動 | 「參加課外活動,最緊要自己有興趣,爸爸媽媽一定會支持你去學你有興趣嘅課外活動架!俾心機啊!」 |
8)小朋友自動自覺完成功課 | 「咁乖自己做晒d功課,好啦,俾你休息一陣,玩遊戲機或者睇電視啦,不過玩完就要溫書架啦! |
9)當子女的測驗或默書成績退步時 | 「雖然成績冇之前咁高分,不過嗲哋媽咪唔會怪你嘅,盡咗力就得架啦,同埋知道你升咗班,學d嘢都深咗,俾心機,唔使灰心!」 |
10)當子女懂得照顧弟妹時 | 「大哥哥返學後真係叻咗好多喎,著衫返學都唔使媽咪幫手,又可以幫媽咪睇住細妹,真係大個仔啦喎!」
|