司徒法正提醒你 「十大鬼節禁忌」

天空

踏入農曆七月，很多人都會談論到盂蘭節，俗稱鬼節。相傳在七月十四的時候，鬼門關大開，地府中的遊魂野鬼就開始被釋放出來，他們可以在人間遊離一段時間，接受人們的祭祀，因此，人會比較容易撞鬼。雖然講究媽媽一直只專注於身後事，不談論鬼神，但基於中國人仍存在忌諱之心，因此特意發佈這則文章。

禁忌一： 勿隨街嘔吐
師父教路：通常靈體會好中意依附系牆壁度，所以我們好多時候叫人去角落頭小便或挨下都唔好企系牆邊，至於飲醉企系牆邊還嘔吐，鬼魂一定搞你。就算嘔都要講一聲對唔住先嘔啊。


禁忌二： 港鐵尾班車有人至搭
師父教路：坐尾班車同住酒店一樣，最好唔好往兩邊角落頭的車廂，因為最容易惹到陰靈。如果你也夜返屋企坐尾班車，就不要坐車尾，因為有好多靈體系度。還有要搵有人坐的車廂先好坐。


禁忌三： 巴士尾班車睇實對眼
師父教路：巴士都可能有靈體，都系在車尾位置。如果你上車後，發覺車尾位置孤零零坐左個人，望下佢對眼好似冇神咁，完全對你冇反應就要小心。可以坐翻去車頭，方便落車走佬。


禁忌四： 勿戴過多飾物
師父教路：如果身上戴的飾物系銀的話，撞擊出來的聲唔系清爽，咁就冇所謂，如果特意走去買一對可以發出「鈴 鈴」聲，又或者瓷器，響起上來叮叮噹當，就好容易吸引到靈體。


禁忌五： 執遮撞鬼行衰運
師父教路：千萬唔好系街亂執遮，尤其夜晚。因為遮中意收埋唔好的嘢，如果個人運氣唔好，遮就會藏左人運氣唔好的能量入去，靈體好中意藏系運氣唔好的遮入面。


禁忌六：淩晨剃毛破壞精氣神
師父教路：人的精氣神好重要。頭髮代表天，腳毛代表地，人面上的須代表人，如果早上血氣旺去剃唔緊要，但夜晚陰氣重就不要了，否則陰氣容易由頭跟腳入侵。


禁忌七：淩晨搭電梯照鏡會見鬼
師父教路：相傳，電梯槽系通往地府的，如果夜晚返屋企搭電梯，有兩樣嘢要記住，有些電梯有鏡，望到自己冇緊要，千萬不要走埋去長久注視塊鏡，隨時會見到「好朋友」。


禁忌八：淩晨洗衫藏陰靈
師父教路：子時時間陰陽交替，陰氣特別重，如果這段時間洗衫，洗完晾系度，衫是潮濕的，陰靈最喜歡藏系度。等衣服幹左，你就收，就等同將陰靈帶翻入屋。


禁忌九：路不拾遺
師父教路：如果系街見到有硬幣或祭品，千萬不要亂拾！因為唔知硬幣是點樣遺留系度，如果有人做過法事或喪事，拋出來俾小鬼的，拾了就等同將唔好的運氣拾走。而祭品是用來祭拜遊魂野鬼，你拾了，那些好朋友自然會跟住你。


禁忌十：夜晚不要穿黑衣紅衣
師父教路：這兩種色較易惹到靈體，黑色衫系11點到3點容易惹到靈體，3點到7點，鬼魂好中意依附系紅色衫上。