北區某綜合大樓...

GM 6754

呢間大樓既既事係聽同事講,佢之前响呢間大樓做過.
北區有一間綜合大樓,而家仲响度,仲係一間幾出名既機構,之於係邊間就各位自己估,不過聽埋下面既形容,若果係做過社會服務可能會估到(唔係港島區果間,係新界北區),呢間大樓開辦左應該唔夠十年,我都去過幾次,但就唔覺有野,而同事就直程响裡面做,就經歷過好多野,而間大樓其實前身係一間醫院.
入正題,同事話呢間大樓有部份前身係停屍間,每次去親果度都特別陰涼,電梯又經常無緣無故地自行直達停屍間,有時佢遇到電梯會忽然停頓,於是佢會話唔好意思趕時間,唔好玩住,部電梯又會自動行番,此外,試過有個智障既服務使用响大樓空地行行下,同個職員講唔好行埋去,有個姐姐瞓左响度,但個職員就咩野人都見唔到,而最恐怖既一次經歷係在閉路電視見到個舍友鬼上身,點解職員會認為佢鬼上身?因為個舍友本身係不能走動,果晚响閉路電視見到個舍友忽然企左响身,然後仲要走埋去閘間度係咁搖度閘門....